Gin姐趁住Term Break，早前去咗北威爾士玩咗三日兩夜，仲拍埋片同大家分享當地嘅風景有幾靚，佢挑戰嘅空中飛索有幾刺激，真係喺礦場玩嘅越礦飛車有幾過癮，大家睇過片之後唔知會唔會考慮去呢度旅行呢？
蘇富比7月初嘅汽車拍賣會中，一架寶馬E30 M3 Sport Evolution以404,375英鎊，即係大概425萬港紙賣出，打破晒過往E30 M3嘅成交紀錄！
我哋3月同大家講過嘅VW ID.Cross，尋日正式喺歐洲開售。歐洲首批推出嘅係211匹52kWh「大電」版本，有Life同埋Style兩款唔同Trim揀，定價分別係€36,525（約HK$32.8萬）及€39,110（約HK$35.1萬），WLTP續航距離有425-427km。嚟緊嘅10月中，廠方會追加賣€27,995（約HK$25.2萬）嘅入門116匹37kWh「細電」Trend版本。
溫故知新！我哋嘅「知史看寶」欄目，會同大家傾吓種種同車有關嘅事物，可能係試經典車，亦都可能好似清談節目咁。而今集就由鍾意睇F1兼且有玩吓手錶嘅陳生，同大家講吓F1同手錶嘅千絲萬縷關係，鍾意睇F1或鍾意手錶嘅朋友千祈唔好錯過！
包括我哋在內，好多人第一眼睇到B05都覺得佢好似Golf，而且佢嘅輸出又真係幾似Golf GTI，有200零匹，200幾Nm，不過B05唔係好似Golf GTI咁係前驅，而係後驅，呢個配方會唔會令佢成為一部又好揸又好玩嘅揭背車，甚至乎可以稱得上係Hot Hatch呢？
2.5秒0-100km/h只係一堆幾抽象嘅數字，但現實中，Cayenne Turbo Electric嘅起步加速真係好似將時間扭曲，令車上所有人都走入時光隧道咁，一下子就轉移到另一個地方！除咗加速快之外，佢嘅劈彎身手亦都神乎其技，車身平穩到不得之了，原因係佢有一套獨門祕方，想知係乜就即係睇片啦！
好多人聽到呢架車叫做MG4 Urban，第一時間都以為係新一代MG4，但其實唔係，我哋會喺片中交代箇中原因。不過最重要嘅係，就算依家冇晒電動車稅務優惠，呢架Urban都只係賣20萬左右，仲有佢叫Urban，係唔係真係車如其名咁Urban呢？所以我哋一於嚟個Urban Test，睇吓佢係唔係好適合穿梭市區橫街窄巷嘅電動車！
陳生決定搞大食會慰勞一班《駕輛》同事，適逢就快農曆新年，所以帶埋我哋去百佳超級市場一齊掃貨。本住「寓娛樂於工作」嘅精神，所以我哋一於嚟個「駕輛挑機」，睇吓係《駕輛》男同事Shopping醒，抑或女同事Shopping勁呢？
嚟自日本嘅KeePer PROSHOP，每年都會舉行一次比賽俾佢哋嘅汽車美容師參加。佢哋今年仲邀請埋我哋一齊參賽，我哋卻之不恭，派出《駕輛》兩位年輕有為嘅精英Avery同埋Brian參加。輸就預咗㗎喇！但即場有幾雞手鴨腳、發生咗幾多蝦碌嘢，大家一齊嚟笑住睇片啦！（片尾有陳生同Avery主持「駕輛覆機」）
香港實在有好多潮州人，陳生就係其中之一，所以佢對潮州菜特別講究，能夠成為佢其中一間「飯堂」自然少之又少。今次佢帶一班同事去食嘅一間，就係陳生近十年八年嚟一直有幫襯，能夠做到「粗料精煮」嘅正宗潮州菜館。食過之後，大家都舔晒脷，大讚好好味呀！
溫故知新！我哋嘅「知史看寶」欄目，會同大家傾吓種種同車有關嘅事物，可能係試經典車，亦都可能好似清談節目咁。而今集就由鍾意睇F1兼且有玩吓手錶嘅陳生，同大家講吓F1同手錶嘅千絲萬縷關係，鍾意睇F1或鍾意手錶嘅朋友千祈唔好錯過！
作為「講就兇狠」嘅偽 Hardcore 玩家，我哋打機嘅着眼點只有一個：真實性！正因為咁，我哋對 Forza 呢款半擬真賽車遊戲嘅記憶，仲停留喺好多年前，一直未有心機去 Update。之不過，最近啱啱推出嘅 Forza Horizon 6，完全正面擊中我哋味蕾嘅中心點，因為佢係少見有賽車遊戲以日本開放世界為主題，亦有我哋好想試嘅 LFA 後繼——豐田 GR GT，仲有好多細節都誠意滿滿，仲要 $500 就可以「一己私欲」，咁就去馬啦！！
Bridgestone RE005實測・陳生早...
