MGS9係MG第一款到港嘅插電混能PHEV，同時亦都係佢哋有史以嚟最大架嘅SUV，Sell豪華Sell闊落，而且廠方聲稱佢係真正嘅7座，唔係5+2，仲要耗油量低至0.8L/100km，唔通呢個世界真係有咁完美嘅車？
奧迪尋晚突然宣佈推出廠方有史以嚟性能最強，全球限量499架，兼且以已故著名意大利賽車手Tazio Nuvolari嚟命名嘅Nuvolari。簡單嚟講，呢款車係由林寶堅尼Temerario變身而成，不過再快啲。
日產5月初宣佈喺歐洲地區裁員900人，即係當地約10%人手，而且因應需求及產量減少，會關閉英國新特蘭廠房內其中兩條生產線（但唔會削減呢個廠房嘅職位數目），跟住用剩低嘅生產線生產Leaf、Juke同埋Qashqai。日產尋日再宣佈，已經同奇瑞汽車簽署諒解備忘錄，希望可以喺2027年4月開始，喺英國新特蘭廠房代工製造奇瑞汽車。
凌志喺2023年東京車展發表嘅純電動LF-ZC概念車，當時話今年就會推出量產版本，但近日網上瘋傳廠方已經決定擱置計劃，原因唔講大家都估到，當然係全球電動車市場需求今時唔同往日啦！本田早前宣佈擱置同Sony合作嘅Afeela，以及自己好幾款電動車都係咁嘅原因。
唔經唔覺，勞斯萊斯推出Spectre都差唔多4年，所以廠方推出相中嘅Series II完全合情合理，之不過新款車內外設計近乎零改動，只係用料再升級，再多啲Bespoke自訂選擇，睇唔到嘅機械改動就係扭力由900Nm加到1,015Nm（馬力不變有600匹），仲有WLTP續航距離增加18%至高達628km，叉電時間縮減14%，28分鐘就可以由10%叉到80%滿，同步推出嘅「黑章」Black Badge版本更成為廠方有史以嚟「The Most Powerful」車款，輸出有成680匹、1,015Nm，只需4.3秒就可以將呢架超過2.9公噸嘅Spectre由靜止加速至100km/h。
繼11及07之後，阿維塔香港代理今年內就會引入啱啱喺4月先至推出嘅06T呀！由於香港仲未有車，所以Avery早前去咗重慶，率先睇吓架車有咩特點，依家詳細話俾大家知啦！
第六代RAV4啱啱到港，而且唔係好多人所講嘅「RAV2」，係真真正正四驅嘅RAV4呀！唔單止咁，代理今次仲一口氣入咗Limited同埋Adventure兩個版本俾大家揀添！兩個版本嘅設備唔同，售價亦都唔同，所以我哋會詳細話俾大家知佢哋有咩分別，等大家揀車時唔會有選擇困難症！
未試車之前，已經睇過唔少報導話Denza B8嘅越野性能好好，可惜喺香港冇邊一個山頭係可以合法玩越野嘅。不過唔緊要！我哋今次試車撞啱落咗場大雨，結果俾我哋發現呢架純種越野車，唔單止乾路同濕路嘅抓地能力好強，揸住佢劈彎亦都好得心應手，完全唔似一架近3.3噸重嘅大型越野車！
陳生決定搞大食會慰勞一班《駕輛》同事，適逢就快農曆新年，所以帶埋我哋去百佳超級市場一齊掃貨。本住「寓娛樂於工作」嘅精神，所以我哋一於嚟個「駕輛挑機」，睇吓係《駕輛》男同事Shopping醒，抑或女同事Shopping勁呢？
嚟自日本嘅KeePer PROSHOP，每年都會舉行一次比賽俾佢哋嘅汽車美容師參加。佢哋今年仲邀請埋我哋一齊參賽，我哋卻之不恭，派出《駕輛》兩位年輕有為嘅精英Avery同埋Brian參加。輸就預咗㗎喇！但即場有幾雞手鴨腳、發生咗幾多蝦碌嘢，大家一齊嚟笑住睇片啦！（片尾有陳生同Avery主持「駕輛覆機」）
香港實在有好多潮州人，陳生就係其中之一，所以佢對潮州菜特別講究，能夠成為佢其中一間「飯堂」自然少之又少。今次佢帶一班同事去食嘅一間，就係陳生近十年八年嚟一直有幫襯，能夠做到「粗料精煮」嘅正宗潮州菜館。食過之後，大家都舔晒脷，大讚好好味呀！
今次受BYD邀請參加慳油比賽，原本諗住只係揸住新到港嘅 BYD SEALION 6 DM-i 周圍去，應該好Easy啩！?點知原來途中仲要完成幾個挑戰，結果由天光鬥到天黑先至收工，連又年輕又精力充沛嘅Avery同Brian都謝晒，而且佢哋玩遊戲嘅時候仲意見不合，差啲嗌大交添！究竟誰是誰非？陳生完全唔想介入，不予置評，大家睇片自行決定邊個啱邊個錯啦！
旅遊達人「怡富」同Gin姐相識多年，有一日，怡富打電話請教Gin姐邊度買二手保時捷最好？Gin姐即時打咗個凸，因為「怡富」從來未買過車，第一架車就想買保時捷？於是Gin姐借咗一架718 Boxster出嚟先俾佢試吓，而且一齊傾吓大家心目中覺得揸車環境最惡劣嘅城市或國家。
佐敦「伊利」、長沙灣「美居」等都係香港出晒名嘅地獄停車場，但其實大家要揸車去嗰區，係可以選擇泊去其他地方嘅。不過，如果屋企自己個車位就係喺一個地獄停車場裏面，日日揸車出入都要過五關斬六將，心情會係點呢？所以今次陳生決定帶埋Brian試闖三個「私人地獄」，體驗一吓日日要「破地獄」係點嘅一回事，唔通真係要斬腳趾避沙蟲換架細車，或者隔幾條街咁遠租過另一個車位，甚至搬去第二度住？
Bridgestone RE005實測・陳生早...
