寶馬上星期預告下一代電油版3系嘅時候，雖然只係發佈咗偽裝車嘅相片，但轉個頭，網上已經瘋傳有人偷拍到車尾嘅廬山真面目！
7屆F1總冠軍「咸爺」嘅身家當然好豐厚，買名車買超跑根本冇難度，事實佢曾經擁有好多車，但舊年就「斷捨離」賣走晒，究竟所為何事呢？更耐人尋味嘅係啱啱嘅9月初，咸爺喺佢嘅私人社交媒體宣佈買咗架F40，點解佢突然又「入坑」，而且咁多車唔揀，千揀萬揀會買F40呢？今集一於由陳生同大家剖析咸爺買F40嘅來龍去脈，以及詳細講解F40如何登上車壇神級地位！
我哋今年2月已經試咗新到港嘅純電動起亞PV5，相片中嘅呢架PV7同PV5一樣，都係採用E-GMP.S電動車專用平台，同樣都有客貨車及所謂嘅私家車版本，不過尺碼就大好多！
平治喺2023年年尾發表CLE53 AMG嘅時候，包括我哋在內，相信唔少人都估計隨後會追加性能再高啲嘅CLE63型號，不過廠方最後都冇咁做，反而喺上星期突然推出呢架可以話係一步登頂，喺AMG總部全人手裝嵌製造嘅CLE646 Spezialanfertigung！德文Spezialanfertigung，即係Special Production咁解！
全新 #凌志 ES嘅內外唔單止尺碼大咗，設備亦都大升級，定位已經到咗已停產嘅GS級數，而且除咗有廠方最拿手嘅混能型號之外，仲首次可以揀純電動版本，所以我哋一於約晒兩款型號出嚟試一試，結果唔單止Avery同Vivian都覺得佢哋唔再係「叔叔車」，就連陳生揸住佢都覺得後生咗好多！唔通全新ES有逆齡抗老嘅妙效？
全新寶馬iX3嘅內外設計的確引起唔少爭議，不過試完車之後，佢嘅設備功能同埋操控表現都令我哋耳目一新，真心認為佢名符其實，真係如廠方所講嘅Neue Klasse！真係一架新一代寶馬！而且係一架好好揸嘅寶馬！
越野車向來都係歐美日列強嘅天下，上至 G-Class、Defender、Land Cruiser 同 Jeep，平民至 Jimny 仔，每個牌子都有好幾十年嘅歷史。不過，最近越嚟越多國產越野車出現，而且同傳統越野車唔同，佢哋又有混能、又慳油、又大馬力，仲要內櫳又豪又大，價錢仲要好相宜，究竟有冇伏？我哋搵嚟市面最新嘅選擇 iCAUR V27 4WD，36 萬買到 455 匹，一齊驗下貨！
大家有冇遇過啲車，只係坐得四個人，覺得恨鐵不成鋼？今次 BYD Atto 1 香港版有樣嘢醒，深明香港人嘅心理，特登引入五座位嘅版本，比其他地區多一個位！之不過，呢個「醒」，係「清醒」定「懶醒」？到底「第五個位」坐唔坐得人？點解香港版馬力好似細過某啲地區咁多？究竟實用性能否同日本車媲美？試咗先講！
陳生決定搞大食會慰勞一班《駕輛》同事，適逢就快農曆新年，所以帶埋我哋去百佳超級市場一齊掃貨。本住「寓娛樂於工作」嘅精神，所以我哋一於嚟個「駕輛挑機」，睇吓係《駕輛》男同事Shopping醒，抑或女同事Shopping勁呢？
嚟自日本嘅KeePer PROSHOP，每年都會舉行一次比賽俾佢哋嘅汽車美容師參加。佢哋今年仲邀請埋我哋一齊參賽，我哋卻之不恭，派出《駕輛》兩位年輕有為嘅精英Avery同埋Brian參加。輸就預咗㗎喇！但即場有幾雞手鴨腳、發生咗幾多蝦碌嘢，大家一齊嚟笑住睇片啦！（片尾有陳生同Avery主持「駕輛覆機」）
香港實在有好多潮州人，陳生就係其中之一，所以佢對潮州菜特別講究，能夠成為佢其中一間「飯堂」自然少之又少。今次佢帶一班同事去食嘅一間，就係陳生近十年八年嚟一直有幫襯，能夠做到「粗料精煮」嘅正宗潮州菜館。食過之後，大家都舔晒脷，大讚好好味呀！
今年5月嘅時候，我哋挑戰咗幾個私人住宅地獄停車場，跟住收到過百個觀眾及網友報料，話有更加地獄嘅地獄停車場！經我哋篩選之後，陳生同Gin姐決定親自出馬，挑戰其中三個佢哋從未去過嘅停車場，我哋日後亦會挑戰其他㗎！
晴天林嘅諷刺時弊改詞歌曲好「入屋」，Gin姐都係佢嘅Fans之一，所以今集駕輛有人訪一於訪問呢位改詞神人，睇吓Gin姐軟硬兼施之下，呢位自嘆又慢熱又孤獨嘅「i人」透露幾多佢嘅心路歷程，佢點樣喺諷刺事弊同埋喺人哋傷口灑鹽之間劃出界線！
曼谷係唔少香港人嘅「鄉下」，瞇埋眼都唔會蕩失路，但總有啲只有當地人知道兼值得一去嘅地方，所以我哋今年公司去 #泰國 #曼谷 旅行，出發前預先問咗泰國朋友有咩好介紹，以探險嘅精神幫大家睇吓會唔會中伏，作為大家下次去曼谷嘅參考！
Bridgestone RE005實測・陳生早...
