2023/02/11 14:00

早幾日同大家講過「青沙管制區」由2月26號清晨開始只可以用「易通行」繳費，之後發現原來好多人都唔知「青沙管制區」其實就係包括尖山隧道、沙田嶺隧道及大圍隧道等嘅一段路。

我哋唔係喺處認叻，反而係認衰，因為我哋知道有條3號幹線之外，都唔知香港仲有幾多數字幹線，更加唔知佢哋由邊度至邊度，於是上網查吓，再喺呢處以文字及圖片同各位揸車朋友分享一吓。係嘅，知道都冇乜用，但知道亦無妨，得個知字囉！（*留言區仲有7-10號幹線圖解）

1號幹線：

香港仔海傍道（田灣）、黃竹坑道、香港仔隧道、堅拿道天橋、紅磡海底隧道、康莊道、公主道、窩打老道、獅子山隧道、沙田路、大埔公路沙田段（近沙田馬場）

2號幹線：

東區海底隧道（全段）、觀塘繞道、大老山隧道、大老山公路（接吐露港公路）

3號幹線：

西區海底隧道（全段）、西九龍公路、青葵公路、長青隧道、青朗公路、汀九橋、大欖隧道、青朗公路（接新田公路）

4號幹線：

東區走廊（柴灣入口）、東區走廊、中環灣仔繞道、干諾道中天橋（接城西道近堅尼地城泳池）

5號幹線：

啟福道（近牛頭角港鐵站）、啟德隧道、東九龍走廊、漆咸道北、加士居道天橋、西九龍走廊、葵涌道、荃灣路（接屯門公路）

6號幹線：

將藍公路（接環保大道）、將軍澳-藍田隧道（油塘、茶果嶺出口）

7號幹線：

環保大道（近清水灣半島）、將軍澳隧道、將軍澳道、觀塘道、龍翔道、呈祥道（貨櫃碼頭）

8號幹線：

青沙公路（大圍）、大圍隧道、沙田嶺隧道、尖山隧道、昂船洲大橋、南灣隧道、青馬大橋、北大嶼山公路、機場路、赤鱲角機場

9號幹線（舊名～新界環迴公路）：

城門隧道、大埔公路沙田段、吐露港公路、粉嶺公路、新田公路、元朗公路、屯門公路、象鼻山路、城門隧道

10號幹線：

港深西部公路（接屯門公路）、深圳灣公路大橋（深圳）

#駕輛　#upcarhkg

#香港幹線

圖片來源：運輸署

________________________

Web: http://www.upcarhkg.com

YouTube: http://www.youtube.com/@upcarhkg

Facebook: https://www.facebook.com/upcarhkg

IG: upcarhkg