Gin

2020/07/11 16:17:25

美版Camry剛剛換新款，汽油版個樣無乜變，最緊要係新引入XSE Hybrid版，換走個（我覺得）幾難睇嘅大下巴加兩個大入氣口，整高整窄個鼻，好似去咗韓國整容返嚟，的確靚仔晒。XSE Hybrid都係一樣用副2.5直四引擎配摩打，輸出208匹馬力和221Nm 扭力。
靚仔未必係重點，更重要嘅係換咗套Safety Sense 2.5安全系統，而且仲係Camry率先用，即刻令架車聰明精靈得多了。Safety Sense 2.5換咗更高清嘅鏡頭，同射得更遠嘅雷達，令它在陰暗情況下”睇”得更真，反應更快和準，駕駛安全指數有明顯提升。而且，佢嘅主動巡航系統爬頭同加速都順輰好多。
除了Hyrbid，美版Camry仍提供兩款汽油引擎，一款係203匹嘅2.5直四引擎，另一款係301匹嘅3.5 V6。
車廂無乜改，但係見到塊懸掛式嘅9吋屏又比香港版嘅嶔入式Mon 有型啲。
但上述所講嘅嘢似乎都唔會喺香港版中出現。等香港行貨換走副舊引擎同波箱至講啦。