繼Crown、Crown Sport、Crown Crossover之後，今代Crown最後一位成員——Crown Estate，今日終於喺日本開售。
我哋舊年12月先講過豐田喺歐洲推出電動SUV ~ Urban Cruiser，事隔4個月，歐洲今年下半年又會有呢架同C-HR其實冇乜關係，但叫做C-HR+嘅豐田電動SUV賣喇！
話時話，大家知唔知呢個位原本用嚟做乜？呢架係咩車呢？（提示：日本車，香港只有水貨）
我哋上星期五講過日產CEO內田誠已經向董事局請辭，日產今日舉行網上發佈會，宣佈內田誠將於4月1號離職，佢現時所有職位（Representative Executive Officer, President, CEO），將會由現時Chief Planning Officer ~ Ivan Espinosa接任（圖右）。此外，現時四個Executive Vice President嘅其中兩個，中畔邦雄同埋坂本秀行亦都會喺4月1日離任，11個管理層於當日嘅職位或職務亦都有重新安排。
凌志IS由初代開始一直有一班捧場客，佢哋之所以喜歡呢款車，其實唔係因為佢馬力特別大或特別快，而係欣賞凌志嘅高質造工及用料，操控得心應手，當然唔少得係外形夠晒靚仔啦！最近到港嘅F Sport Mode Black IV特別版，更加將呢啲元素推至另一個層次，簡直係外貌協會暨操控學會嘅永久榮譽高材生！
電動車大行其道，高性能電油車嘅光芒似乎越嚟越暗淡，但電油真係已經再冇其吸引之處咩？就呢個問題，我哋搵嚟0-100km/h加速都係3.8秒嘅Audi RS3 Sportback同埋Zeekr X同場較量一吓，睇吓撇除加速同樣快嘅呢一點，兩車喺其他方面有乜嘢長處及短處，邊一部先至能夠真正滿足追求駕駛樂趣嘅買家？
豐田Camry真係可以稱得上陪伴香港人成長嘅一款車，因為代理喺80年中已經開始引入，最新第九代亦都已經到港喇！而且今代嘅轉變相當明顯，我哋直頭覺得佢係掛住豐田廠章嘅凌志呀 ！唔講咁多，大家一齊睇片睇吓今代Camry有幾犀利啦！
我哋認識唔少朋友都係揸緊#Model #Y，佢哋不約而同好都想知道新款車避震係唔係一樣咁跳，個玻璃天幕係唔係一樣隔熱唔夠，用料同造工係唔係仍然只係一般般，所以就算香港仲未安排到試揸右軚版，我哋都嗱嗱臨走去澳門，試揸咗一部內地左軚版本嘅新一代Model Y，逐一解答以上佢哋同大家最想知嘅問題，作為買車參考。
今時今日加裝前後車Cam已經係指定動作，但萬一發生交通意外，只係錄低車頭車尾情況，錄唔到車側位置，咁就隨時還原唔到事發過程，唔單止可能追討唔到賠償，甚至有機會調轉頭由原告變成被告呀！
時下越嚟越多人揸電動車，自然裝私人充電器嘅需求就變多咗喇！今次我哋介紹嘅係一間超過180年歷史嘅法國品牌，施耐德電氣所出嘅「Schneider Charge連線版本電動車充電器」！
法拉利V12引擎靚聲就係人都知，但Purosangue套Burmester音響都好X靚聲，你又知唔知呢？今次陳生決定與眾同樂，召集咗一班《駕輛》觀眾同音響界前輩，齊齊品鑑一下呢套汽車音響有幾咁犀利，同場仲加映一套價值500幾萬嘅Burmester家居音響，嚟一場柏林之聲大匯演！究竟呢兩套音響各自有咩秘密？陳生點樣評價各自嘅音色？去片！
唔少人都會搵命理師為仔女改個好名，但係自古以嚟，車名都係千奇百趣，甚至讀音好蹺口，所以我哋今集就同大家傾吓車名命名嘅話題，睇吓我哋認為最奇特、最古怪嘅車名，同大家心目中嘅係唔係一樣呢？歡迎大家留言講吓自己嘅諗法！
陳生同Brian嘅「日本之旅」終於嚟到壓軸一集喇！佢哋去咗2023年中先至落成，之前從來未有香港傳媒到訪，兼且暫時係亞洲最Top嘅私人賽車俱樂部The Magarigawa Club，仲揸咗GR Yaris同埋Cayman GT4 RS落場，挑戰由著名賽車場設計師Hermann Tilke設計嘅賽道。想知呢條賽道有幾刁鑽，以及呢個私人賽車俱樂部豪到有幾誇張，一定要睇片睇到尾呀！
今年秋季就會有「進階版」嘅Assetto Corsa EVO喇！而且官方喺推出「正Game」之前，更加喺1月中推出叫做Early Access嘅「試玩版」，我哋既然係AC玩家，當然第一時間下載落嚟玩啦！試玩咗幾個禮拜，我哋一片詳細話俾大家知新Game同原本嘅AC有幾唔同？更重要嘅係，官方呢幾個禮拜竟然Update咗個Game幾次，依家最新嘅玩法及功能變成點呢？
【駕輛過料】我哋經常喺影片中角...
