Range Rover Sport喺2025年作出一次改動，已經買唔到原本最好賣嘅P400型號，由呢架入門P360取而代之。究竟輸出低咗40匹、50Nm嘅P360，可唔可以同P400一樣做到快揸又劈得，平常揸又舒服又夠台型呢？為咗搵出答案，Avery同埋Icy特別以兩個不同造型，分別以乘客及駕駛者身份同大家分析一吓。
富士汽車剛剛喺美國發表小改款美洲版Solterra，外形最大嘅改動係車頭，以及冇晒之前嘅黑色輪拱防刮膠，車廂主要改動係加大中央屏幕至14吋，個OS同埋冷氣面板都唔同咗，而且波檔選擇旋鈕移後咗，喺旋鈕前面加咗兩個15W功率嘅手提電話無線叉電座。
政府打算加電動私家車牌費，大家點睇？
現今香港汽車市場，電動車好賣過汽油車係鐵一般嘅事實，原因之一係價錢平一截，所以呢架賣50幾萬嘅全新入門四驅版X3 20 xDrive，牌面已經輸咗一半。雖然係咁，我哋試完車之後發現，廠方好俾心機去做呢部車，佢嘅操控感一定唔會令寶馬迷失望，未揸過寶馬嘅朋友更加應該會越揸越愛，市面其他電動SUV真係唔可以相提並論㗎！
2018年成立嘅芬蘭電動電單車車廠Verge（唔係單車摺車嗰間），佢哋架TS Pro最近得到健力士紀錄認證，叉滿電後喺倫敦嘅一條指定路線，以接力方法持續行咗311km，成為現今續航距離最長嘅電動電單車！
現今香港汽車市場，電動車好賣過汽油車係鐵一般嘅事實，原因之一係價錢平一截，所以呢架賣50幾萬嘅全新入門四驅版X3 20 xDrive，牌面已經輸咗一半。雖然係咁，我哋試完車之後發現，廠方好俾心機去做呢部車，佢嘅操控感一定唔會令寶馬迷失望，未揸過寶馬嘅朋友更加應該會越揸越愛，市面其他電動SUV真係唔可以相提並論㗎！
單睇外形，真係好難睇到四驅版同後驅版Cyberster嘅分別，之不過少咗車頭嘅一個摩打，呢架後驅版Cyberster比四驅版足足少160匹、250Nm！就算車重輕100kg，但0-100km/h時間仍然由3.2秒變成5.2秒。究竟咁大嘅差異，對於一位好鍾意開篷車嘅人嚟講係唔係咁重要呢？就呢個問題，我哋搵嚟開篷車車主Icy同Lawence一齊試車探討一下。
今時今日，好多人都覺得10萬蚊Budget只可以買到二手車，但其實只要大家唔介意唔係名牌，得10萬蚊係可以買到#五菱 Air EV或#凌寶 Box-R㗎！當然，大家唔好期望呢兩款全新電動車有超高性能，又或超豪嘅裝潢及設備，但實際上用10萬蚊可以買到點樣嘅電動車呢？我哋一於一片講清楚俾大家知！
我哋好耐冇同歌影視藝人合作喇！今次有機會同演技精湛嘅陳凱琳Grace Chan一齊演出，當然獲益良多啦！至於我哋幾個喺#平治原廠維修中心 搞邊科？大家記得由頭睇到尾，唔好錯過影片每一秒鐘呀！（PS. 我哋嘅演技一定唔及陳凱琳Grace Chan，但大家都不妨留言話俾我哋知，我哋今次嘅表現值幾多分）
今時今日加裝前後車Cam已經係指定動作，但萬一發生交通意外，只係錄低車頭車尾情況，錄唔到車側位置，咁就隨時還原唔到事發過程，唔單止可能追討唔到賠償，甚至有機會調轉頭由原告變成被告呀！
時下越嚟越多人揸電動車，自然裝私人充電器嘅需求就變多咗喇！今次我哋介紹嘅係一間超過180年歷史嘅法國品牌，施耐德電氣所出嘅「Schneider Charge連線版本電動車充電器」！
用兩個月時間去砌一副模型本身已經會好急趕，而今次陳生更加要挑戰自己，用兩個月原創兼自製出呢件科幻作品《天飛》去參加模型比賽。最終結果實在遠超所料，《天飛》除奪得該組別冠軍外，更成為了今次比賽嘅BOS（全場總冠軍），連同其他幾個特別獎項，成為陳生有史以來參賽最輝煌戰績，唔該俾少少掌聲！咁究竟，陳生呢兩個月點過？《天飛》嘅構思由乜嘢開始？點樣自製？點樣上色？點樣得獎？有乜感受？一於一片詳盡解說。
香港實在有好多潮州人，陳生就係其中之一，所以佢對潮州菜特別講究，能夠成為佢其中一間「飯堂」自然少之又少。今次佢帶一班同事去食嘅一間，就係陳生近十年八年嚟一直有幫襯，能夠做到「粗料精煮」嘅正宗潮州菜館。食過之後，大家都舔晒脷，大讚好好味呀！
豐田喺2018年已經推出咗最新第12代Corolla，但日本依家仲可以買到第11代Corolla Fielder，因為呢款車喺日本仲係好受歡迎，所以咪長賣長有囉！其實唔單止日本，Corolla Fielder喺香港亦都有好多捧場客，簡直係香港數一數二流行嘅旅行車，而且有好多十萬蚊以下嘅二手盤，所以我哋今次搵嚟一部第11代Corolla Fielder，為大家深入講解呢款車有乜嘢長處及短處，等大家買呢款二手車時作為參考。
