全新純電動及電油版G-Class早兩個星期已經正式到港開售,另一邊廂嘅歐洲,有改裝公司將佢改成復古風,成件事好夾喎!
一直有睇《駕輛》嘅觀眾都知道,我哋不時會角色扮演去試車,又扮太太又扮保鑣又扮太小姐又扮司機,但自問點扮賽車手都唔似,所以今次決定搵真正嘅職業賽車手ShaunThong 唐偉楓同我哋一齊試車,而且邊試車邊同佢Chit Chat一吓揸車嘅心得,當然唔少得俾啲貼士大家點樣揸車會揸得更好啦!
《駕輛》仝人祝大家中秋節快樂!
大家細細個嘅時候,一定見過甚至用過公仔、機械人、怪獸或汽車形狀嘅擦膠,日本GGF-T呢間公司仲造緊呢類產品,佢哋一個月會開售一個新系列,擦膠形狀包括2000GT、Voxy、Land Cruiser 70、MR2 AW11,以及AE86 Trueno同埋AE86 Levin等6款豐田汽車。
保時捷上月尾喺澳門發表全新Porsche Macan Electric,陳生同Avery赴約出席,趁機仲試咗兩間由澳門朋友推介嘅#貼地 食肆,其中幾味菜竟然令陳生食到舐舐脷,大讚超好食,依家一於話俾大家喺邊度食得到!
呢一部#東風Nammi BOX 喺今年年初先至推出,而且銷售地區遠至歐洲,可以稱得上廠方第一部追軍國際市場嘅作品。呢款俾我哋第一個印象就係平,十零萬就買到,而且作為一架廉價「腳車」,佢嘅表現竟然唔失禮,俾到我哋小小驚喜呀!
小鵬第一款嚟到香港嘅車,就係呢架純電動G6喇!有580 Pro Standard Range同埋755 Pro Long Range兩款揀。今次率先試嘅,係電池大啲同埋輸出都高啲嘅755 Pro Long Range長續航版。除咗試吓呢架車好唔好揸、舒唔舒服之外,我哋仲實測咗呢款車超高嘅800V直流快叉係唔係超級快?自動泊車同埋XPILOT智能駕駛系統係唔係好聰明?AI智能「小P」又有幾醒?大家即刻睇片搵答案啦!
有睇F1嘅朋友一定知道INEOS係平治車隊嘅贊助商,不過呢間公司原本唔係造車嘅。佢哋突然造咗呢架Grenadier出嚟,背後其實有一個耐人尋味嘅故事,我哋會喺片中話俾大家知。當然,我哋仲會詳細測試呢部Grenadier,睇吓呢一間新晉車廠造出嚟嘅第一款越野車,駕乘表現係唔係恰如其份?百幾萬嘅車價係唔係值回票價呢?
法拉利V12引擎靚聲就係人都知,但Purosangue套Burmester音響都好X靚聲,你又知唔知呢?今次陳生決定與眾同樂,召集咗一班《駕輛》觀眾同音響界前輩,齊齊品鑑一下呢套汽車音響有幾咁犀利,同場仲加映一套價值500幾萬嘅Burmester家居音響,嚟一場柏林之聲大匯演!究竟呢兩套音響各自有咩秘密?陳生點樣評價各自嘅音色?去片!
對愛車之人嚟講,一部車嘅車漆狀態好壞,往往都等同咗部車嘅質素高低,所以好多車主都唔介意使錢去保護愛車嗰層原裝油。時下相關嘅產品可謂琳瑯滿目,傳統派就多數愛勤力洗車同打蠟;冇時間打理就通常鍾意做鍍膜;近期好多人用嘅PPF貼膜亦非常流行;坦白講,各有所長,冇話邊隻Sure Win。而今次《駕輛》介紹嘅呢隻英國NGENCO,用途上都一樣係保護車漆嘅產品,不過唔係搽、唔係貼,而係直接噴上去,咁就可以做到既光亮又完美無縫嘅堅固漆面保護層,都咪話唔犀利。
近年市面多咗唔少DIY車身鍍膜,相信大家同我哋一樣都好想知道,呢啲幾百蚊貨仔嘅效能係唔係值回票價抑或廢到無倫,所以我哋《駕輛》自己攞錢出嚟買咗7款DIY車身鍍膜進行測試,結果連我哋都覺得出乎意料之外!
無論係返工食晏或者家常便飯,燒味總係好多香港人嘅首選之一。陳生都好鍾意食燒味,一個星期食幾餐都唔覺厭㗎!最近佢就發掘到一間唔太出名嘅燒味店,佢哋嘅叉燒、燒腩仔、豉油雞、燒鵝唔單止性價比超高,又平又好食,仲有一道大大碟又好味嘅 #鵝汁撈粗麵,價錢平到我哋以為時光倒流20年呀!幾錢一碟?自己睇片搵答案啦!
smart #5 概念車喺4月嘅北京車展首次亮相,只係過咗四個月左右,量產版本亦已經現真身。由於早前已經到港的smart #1 同埋#3 都好受香港買家歡迎,所以我哋長途跋涉去到喺澳洲舉行嘅全球首發活動現場,率先幫大家睇吓呢部#5 有乜嘢佢有而人哋冇嘅賣點呢?
仲有一個月就舉行F1新加坡站賽事喇!鍾意睇F1嘅陳生同Vivian早前去咗探路,仲搵嚟新加坡長大嘅#YT大哥 #周殷廷 做嚮導,玩盡食盡獅城,兼且教大家喺現場點樣睇新加坡F1先至夠盡興!