香港有好多愛車之人，佢哋組織出嚟嘅車會，大大話話數以百計，但長青嘅真係少之有少，原因不外乎會員出現意見分歧，發起人意興闌珊，甚至乎出現四分五裂嘅情況，之不過仍然有車迷懷着滿腔熱誠組織新嘅車會，希望聚集一班志同道合嘅愛車朋友。所以，今次我哋專程參加The G2X車會舉行嘅車聚，睇吓組織呢個成立咗唔夠一年半嘅車會有乜嘢苦與樂呢？
賽車迷冇可能唔記得Tom Walkinshaw Racing架XJS曾經贏過1984年澳門東望洋大賽啩？雖然Tom Walkinshaw已經與世長辭十幾年，但佢其中兩個仔，Ryan同Sean子承父業，喺澳洲繼續參與賽車，而另一個仔Fergus，就喺英國開咗間叫TWR Performance嘅公司，仲喺今年4月發表呢間初創公司嘅第一部車。呢部TWR Supercat，啱啱正式開始發售喇！
現代今日發表嘅IONIQ 9，唔使多講，就係由同集團嘅Kia EV9變身而成，三圍係5,060 x 1,980 x ,1,790mm，比EV9長啲啲、高啲啲，軸距亦都較長，有成3,130mm（+30mm），而且電池、輸出都大啲。
新車系有 5 個版本，計我話「佳之選」絕對係 M3 房車 6 速棍波，係全場唯一（兼本港有售同級唯一）棍波後驅車。雖然動力弱少少，「只得」480匹／550Nm，但價錢亦係最平，150萬找一張金牛。
雖然要等到明年先至現真身，但平治已經急不及待，公佈全新第三代CLA嘅基本機械規格。
最新一代寶馬M5破天荒加入插電式混能系統，總輸出高達727匹、1,000Nm，而且標準配備四輪驅動、四輪轉向及主動式差速器，就算車重急增至超過2.4公噸，但無可否認，性能及操控表現已經跳升至另一層次，依家就由Gin喺德國慕尼黑親身話俾大家知究竟呢架車有幾厲害。
又多一部中國電動SUV加入香港嘅電動車戰場喇！作為一部入門電動車，呢部NETA X要喺咁多部平價電動車競爭對手之中突圍而出，都唔係咁容易㗎！大家都知國產電動車喺設備方面，唔理咩價位，總知你日常用得到嘅都已經俾齊你咁滯，所以，今集就等Brian同Samantha同大家逐項數、逐項比較，究竟電動車一換一後24萬呢口價，佢足唔足秤、抵唔抵呢？大家睇片一齊研究吓啦！
陳生認識豐田 Celica GT-Four ST205係因為當年好迷玩Sega Rally，而90後Brian仔就因為睇《頭文字D》。兩個完全不同年代嘅《駕輛》同事，今次有機會試揸全球限量2,500部嘅Celica GT-Four WRC Edition，自然有兩種完全不同嘅體會，之不過結論都係一樣，就係好～開～心～呀～！
今時今日加裝前後車Cam已經係指定動作，但萬一發生交通意外，只係錄低車頭車尾情況，錄唔到車側位置，咁就隨時還原唔到事發過程，唔單止可能追討唔到賠償，甚至有機會調轉頭由原告變成被告呀！
時下越嚟越多人揸電動車，自然裝私人充電器嘅需求就變多咗喇！今次我哋介紹嘅係一間超過180年歷史嘅法國品牌，施耐德電氣所出嘅「Schneider Charge連線版本電動車充電器」！
法拉利V12引擎靚聲就係人都知，但Purosangue套Burmester音響都好X靚聲，你又知唔知呢？今次陳生決定與眾同樂，召集咗一班《駕輛》觀眾同音響界前輩，齊齊品鑑一下呢套汽車音響有幾咁犀利，同場仲加映一套價值500幾萬嘅Burmester家居音響，嚟一場柏林之聲大匯演！究竟呢兩套音響各自有咩秘密？陳生點樣評價各自嘅音色？去片！
今時今日，電動車嘅戰線一早已經破咗 $300,000 界線，十幾廿萬嘅選擇通街都係。韓國出產、出名大件夾抵食嘅 Kia 當然唔可以怠慢，繼 EV6 同 EV9 之後再下一城，推出咗 EV3 同 EV5，而且仲講到明下年會嚟香港添！今次 Lawrence 同 Brian 一齊去咗台灣，搶先摸真啲呢兩部 Kia 入門雙雄，仲有概念車 EV4 同 PV5，未來好快就會喺街頭出現！
港車北上開始咗一年有多，好多觀眾都問我哋幾時揸車上去拍飲食節目。好！我哋今次「搵位搵食」終於港車北上，揸車去到珠海先嚟一場Kart仔大賽，跟住以一餐全牛打甂爐作為今次旅程嘅終結。既然大陸專門食牛嘅地方，乜嘢牛嘅特別部位都有得食，我哋決定除咗各式各樣嘅牛肉之外，仲叫咗一碟牛鞭嚟試吓，最後邊個淆底唔肯食呢？
繼今年5月去咗法拉利總部率先親身預覽#12Cilindri 之後，我們再次成為#香港獨家 傳媒，去到意大利率先睇吓1,200匹嘅F80有幾厲害。今次嘅行程唔單止咁，Gin姐仲去咗Imola賽車場舉行嘅Finali Mondiali，現場咁啱遇到「小旋風」林志穎，一齊傾咗好耐計，Gin姐仲問到佢Keep架法拉利F1賽車要用幾多錢呀！去到Finali Mondiali，當然帶大家聽吓難得一見，例如XX系列等嘅限量法拉利，喺賽車場上轟過有幾震撼！
