雖然未必個個人都鍾意電動車，但事實香港嘅新車銷量，電動車早已經超越咗電油車，佔嘅比率仲要越嚟越高。咁嘅市場大趨勢之下，自然有從未喺香港出現過嘅汽車品牌都想分一杯羮，Deepal係其中之一。佢哋嘅第一擊，就係呢部尺寸同Model Y差唔多嘅S07，今次測試嘅重點係呢架車憑乜嘢可以突圍而出，同埋有乜嘢係比唔上其他同級電動車呢？
用兩個月時間去砌一副模型本身已經會好急趕，而今次陳生更加要挑戰自己，用兩個月原創兼自製出呢件科幻作品《天飛》去參加模型比賽。最終結果實在遠超所料，《天飛》除奪得該組別冠軍外，更成為了今次比賽嘅BOS（全場總冠軍），連同其他幾個特別獎項，成為陳生有史以來參賽最輝煌戰績，唔該俾少少掌聲！咁究竟，陳生呢兩個月點過？《天飛》嘅構思由乜嘢開始？點樣自製？點樣上色？點樣得獎？有乜感受？一於一片詳盡解說。
Aston Martin Vanquish喺3月初已經到港，定價由698萬港元起，只係比法拉利最新嘅12Cilindri平8,000蚊。英國總廠早幾日發表埋相片中嘅開篷版Vanquish Volante，暫時知道今年第三季開始陸續喺全球各地交車，但廠方如常冇講售價。按慣例，開篷版大概比硬頂版貴一成，所以估計Vanquish Volante到港後賣770萬左右，亦即又係同法拉利12Cilindri Spider差唔多，而且加三幾個Option或Bespoke嘢就肯定過800萬先至埋到單，一萬蚊一匹不是夢呀！
舊年7月講過全新用PPC車架嘅奧迪A5會取代咗A4車系，有四門房車及Avant旅行車揀，首批推出係2.0TFSI同埋3.0TFSI嘅S5，廠方早幾日再追加咗一共4款，叫A5 e-hybrid嘅插電式混能型號。
美國底特律最近發生一單匪夷所思嘅連環銀行劫案，有匪徒去租車公司以日租US$1,750（約13,600港元）租咗架勞斯萊斯Cullinan，最少打劫咗兩間銀行，俾警察追補時棄車逃去無蹤。
Facelift版日產Qashqai俾人睇到嘅最大改動，當然係佢嘅車頭設計，不過睇唔到嘅改動亦都唔少，例如尾迫力改咗做通風碟，今次試揸嘅Premier版嘅尾懸掛更加由扭力樑改為多連桿，結果無論揸車抑或坐車都感覺到新舊款真係有好大嘅分別，真係一部好車，只可惜佢喺電動車「洪流」之下就有一個致命傷，我哋喺片中話俾大家知究竟係乜。
豐田喺2018年已經推出咗最新第12代Corolla，但日本依家仲可以買到第11代Corolla Fielder，因為呢款車喺日本仲係好受歡迎，所以咪長賣長有囉！其實唔單止日本，Corolla Fielder喺香港亦都有好多捧場客，簡直係香港數一數二流行嘅旅行車，而且有好多十萬蚊以下嘅二手盤，所以我哋今次搵嚟一部第11代Corolla Fielder，為大家深入講解呢款車有乜嘢長處及短處，等大家買呢款二手車時作為參考。
我哋去外地做嘢，周不時都會發生意想不到嘅事情。今次陳生同Avery「咁好彩」就發生咗一件勢估唔到嘅事，一日裏面連踩六百幾公里路先去到目的地，中途連飯都冇得食！雖然係咁，佢哋仍然喺極之肚餓、血糖超低嘅情況下完成試車同埋拍攝工作，所以大家記得要捧場，睇片睇吓佢哋發生咗乜嘢咁意想不到嘅事呀！
我哋好耐冇同歌影視藝人合作喇！今次有機會同演技精湛嘅陳凱琳Grace Chan一齊演出，當然獲益良多啦！至於我哋幾個喺#平治原廠維修中心 搞邊科？大家記得由頭睇到尾，唔好錯過影片每一秒鐘呀！（PS. 我哋嘅演技一定唔及陳凱琳Grace Chan，但大家都不妨留言話俾我哋知，我哋今次嘅表現值幾多分）
今時今日加裝前後車Cam已經係指定動作，但萬一發生交通意外，只係錄低車頭車尾情況，錄唔到車側位置，咁就隨時還原唔到事發過程，唔單止可能追討唔到賠償，甚至有機會調轉頭由原告變成被告呀！
時下越嚟越多人揸電動車，自然裝私人充電器嘅需求就變多咗喇！今次我哋介紹嘅係一間超過180年歷史嘅法國品牌，施耐德電氣所出嘅「Schneider Charge連線版本電動車充電器」！
香港實在有好多潮州人，陳生就係其中之一，所以佢對潮州菜特別講究，能夠成為佢其中一間「飯堂」自然少之又少。今次佢帶一班同事去食嘅一間，就係陳生近十年八年嚟一直有幫襯，能夠做到「粗料精煮」嘅正宗潮州菜館。食過之後，大家都舔晒脷，大讚好好味呀！
豐田喺2018年已經推出咗最新第12代Corolla，但日本依家仲可以買到第11代Corolla Fielder，因為呢款車喺日本仲係好受歡迎，所以咪長賣長有囉！其實唔單止日本，Corolla Fielder喺香港亦都有好多捧場客，簡直係香港數一數二流行嘅旅行車，而且有好多十萬蚊以下嘅二手盤，所以我哋今次搵嚟一部第11代Corolla Fielder，為大家深入講解呢款車有乜嘢長處及短處，等大家買呢款二手車時作為參考。
我哋早前出席咗一個smart車聚，同多位smart車主交流一下之餘，亦都同佢哋一齊遊戲。自問汽車知識豐富嘅陳生，原本諗住好輕鬆就可以贏出有關smart問答比賽，點知慘敗，大家一齊睇片睇吓啲問題有幾難啦！片中仲會透露smart #5幾時到港呀！
